Skip links

EUSKAL HERRIAN ARDOAREN KULTURA BIZI,
OSASUNGARRI ETA HERRITARRA PIZTEAREN ALDE

Interes profesional edo pertsonalik baduzu, eta gure proiektuari buruzko informazio gehiago jaso nahi baduzu, harremanetarako datuak utz ditzakezu.

Harremanetarako

BIBA bermeak

 

01

Mahastizainak eta ardogileak

Mahastizainak eta ardogileak gara. Guk geuk lantzen ditugu mahastiak eta egiten ditugu ardoak. Horrela trazabilitatea eta kalitatea ziurtatzen dugu.

02

Upategi txikiak

Upategi txikiak gara, giza neurrikoak,gure herri eta eskualdeetan sustraituak eta konprometituak. Kalitatea lehenesten dugu kantitatearen aurretik.

03

Nekazaritza ekologikoa

Gure ardo guztiak nekazaritza ekologikoan ziurtatutako mahastietako mahatsekin eginda daude. Horrela, gure ingurua, gure osasuna eta gure ardoa edaten dutenena zaindu, babestu eta berreskuratzen laguntzen dugu.

04

Euskal Herria

Banatzen ditugun ardo guztiak Euskal Herrikoak dira, Arabar Errioxa, Errioxa, Irulegi, Nafarroa, Bizkaiko Txakolina eta Getariako Txakolina jatorri deituretakoak, eta baita jatorri deiturarik gabekoak ere.

05

Kooperatiba

Ekonomia sozial eraldatzaileko enpresa bat gara, mahastizainen kooperatiba bat. Horrela gure burujabetasuna eta lan eta bizi balditza duinak ziurtatzen ditugu, baita gure eskualdeetan abestasuna eta garapena sortu ere.

06

Elikadura burujabetza

Elikadura burujabetza eta kontsumo eredu jasangarri baten alde egiten dugu.

Ardoaren kultura
bizia Euskal Herrian

Zer da ardo ekologikoa?

Ingurumenarekiko errespetuan oinarritzen den nekazaritzatik datorren ardoa da; pestizida, herbizida edo beste produktu kimikorik gabe landua.

Zer da ardo naturala?

Mahats ekologiko edo biodinamikoekin upategian landutako ardoa da, esku-hartzerik apenas duena, ezertxo ere gehitu eta kendu gabe. Mahats-zuku irakina, besterik ez!

Zer da ardo biodinamikoa?

Nekazaritza biodinamikotik datozen mahatsekin egindako ardoa da. Nekazaritza biodinamikoa ekologikotik harago doa, eta Rudolf Steiner-en printzipioetan oinarritzen da batik bat: biodibertsitatea, lurraren eta landareen bizi-indarra, energiak eta prestakin naturalak kontuan hartzen dituzten printzipioetan, besteak beste.

Zer da vigneron (mahastizain eta ardogile) izatea?

Nekazari, artisau eta artista da, bere inguru natural eta humanoarekin konprometitua dagoena. Mahastia landu eta zaintzen du, eta bere ardo propioak egiten ditu.

Zer lortu nahi dugu Euskal Herrian?

Itxaropentsu ikusten dugu gure herrialdean indarra hartzen ari dela ingurumenaren zaintza eta tokian tokiko kontsumoa, kontsumo sozial eta ekologikoagoa, eta ardoaren industria zaharkitua iraultzen hasia den nazioarteko mugimendu indartsua badela badakigu, gure moduko vigneron, mahastizain eta ardogileek sustatua. Ez dugu nahi Euskal Herria mugimendu geldiezin, pozgarri eta errebelde horretatik kanpo geratzea. Gure aitona-amonek edaten zuten eta haien une sozial guztien erdigune zen ardo osasungarri hark dagokion lekua berreskura dezan eta belaunaldi berriak gure kultura horren parte izan daitezen nahi dugu.

Zer da ardoaren kultura bizia?

Gure milurteko kulturaren atal garrantzitsua da guretzat ardoa; eta kultura hori iraunarazi egin nahi dugu landa-eremua, gure barietate autoktonoak, lan egiteko modu tradizionalak, zapore eta aroma bereziak desagertzeko arriskuaren aurrean. Gure bizitzeko eta lan egiteko modua gure herri eta eskualdeak, gure mahastiak, gure ardoak eta gure inguru naturala babesteko modua dela uste dugu. Hortaz, ardoaren kultura herritarra, soziala, jai-girokoa eta komunitarioa pizten lagundu nahi dugu.



BIBA bloga

KONTAKTUA

Helbidea

Industrialdea Pol., 112,
20159 Asteasu, Gipuzkoa 

Kontaktua

Hegoaldean 722689246
Iparraldean 068574063

arturo@bibaardoak.eus

Bidali zure mezua

Zalantzarik baduzu jar zaitez gurekin harremanetan.

Top